“ხელი ხელს, გული გულს”

31 მაისს, ზუგდიდის ტექნოპარკში, ასოციაცია “ქსენონის” ახალგაზრდული პროექტის “ხელი ხელს, გული გულს” საზეიმო დახურვის ცერემონიალი შედგა.  პროექტი “ხელი ხელს, გული გულს” დაფინანსებული იყო საერთაშორისო ორგანიზაცია PH international Georgia-ს მიერ და ხორციელდებოდა აშშ-ს სახელმწიფო დეპარტამენტის ანტინარკოტიკული და სამართალდამცავ ორგანოებთან ურთერთობის საერთაშორისო ბიუროს მიერ დაფინანსებული სკოლის, თემისა და პოლიციის თანამშრომლობის პროგრამის (SCOPE) ფარგლებში.

შეხვედრაზე პროექტის განმახორციელებელი გუნდისა  და პროექტის მონაწილეების  მიერ შეჯამდა  6 თვის განმავლობაში განხორციელებული აქტივობები,  გაწეული საქმიანობა  და მიღებული შედეგები.

მოზარდებმა ისაუბრეს  მინი-პროექტებზე, რომელიც დაიწერა და გამხორციელდა მათ მიერ პროექტის „ხელი ხელს, გული გულს“  ფარგლებში;  პირველი მინი-პროექტი “ ოჯახის საერთაშორისო დღე“,    15 მაისს  გაიმართა და ემსახურებოდა ოჯახების სხვადასხვა  თაობის წარმომადგენლებს შორის კომუნიკაციის ხელშეწყობასა და  მათთვის  სახალისო და  საზეომო  განწყობის შექმნას.  მეორე მინი-პროექტი  „ჩვენ ვაფერადებთ მომავალს“ კი მიზნად ისახავდა წალენჯიხის ბავშვთა საოჯახო ტიპის სახლების აღსაზრდელების მხარდაჭერასა  და მათთან დაახლოებას.

ზუგდიდის მუნიციპალიტეტის მერიის ახალგაზრდულ საქმეთა სამსახურის ინიციატივით,  პროექტის მონაწილეები  ივნისის თვეში  ექსკურსიით გაემგზავრებიან.

ოჯახის საერთაშორისო დღე ზუგდიდში

2018 წლის 15 მაისს, ახალგაზრდა ფსიქოლოგთა და ექიმთა ასოციაცია “ქსენონის” ახალგაზრდული პროექტის “ხელი ხელს, გული გულს” მოზარდებმა, ზუგდიდის დადიანების სასახლის ეზოში, ოჯახის საერთაშორისო დღე აღნიშნეს. აღნიშნული თარიღი, 1993 წლის 20 სექტემბერის გაეროს გენერალური ასამბლეის მიერ მიღებული რეზოლუციის საფუძველზე დაწესდა და ყოველწლიურად აღინიშნება მთელს მსოფლიოში. ღონისძიებაზე მოხდა ფოტოკონკურსის- “მე მიყვარს ჩემი ოჯახი” გამარჯვებულების დაჯილდოვება, გაიმართა სახალისო ვიქტორინები და კონკურსები, მოეწყო საოჯახო ფოტო-სესია; შესრულდა მუსიკალური და საცეკვაო ნომრები , ხოლო დასასრულს, ოჯახებმა სიმბოლურად აუშვეს ცაში ფრანები. #ოჯახის_საერთაშორისო_დღე_2018 პროექტი

ჩვენ ვაფერადებთ მომავალს

2018 წლის 21 და 23  მაისს, პროექტის “ხელი ხელს, გული გულს” მოზარდები წალენჯიხაში არსებულ საოჯახო ტიპის ბავშვთა სახლების აღსაზრდელებს ეწვივნენ.

აღნიშნული ვიზიტები, მათ მიერ დაწერილი მინი-პროექტის “ჩვენ ვაფერადებთ მომავალს” ფარგლებში დაიგეგმა და შედგა. პროექტის მონაწილეებმა, თანატოლების სურვილების გათვალისწინებით, სხვადასხვა სპორტულ-გასართობი, შემეცნებითი და სხვა სახის საჩუქრები მიუტანეს მასპინძლებს.

აღნიშნული დღეები განსაკუთრებული იყო თითოეული მათგანისთვის, რადგან მათ შეიძინეს მეგობრები და ბევრი პოზიტივი და სითბო გაცვალეს ერთმანეთში.

FIND-ის ორდღიანი ტრენინგი თანამშრომლებისთვის

2018 წლის 26-27 აპრილს,  ასოციაცია „ქსენონის“ ოფისში,  FIND-ის ქართველი და უცხოელი მკვლევარების მიერ  ჩატარდა ორდღიანი ტრენინგი ორგანიზაციის  თანამშრომლებისთვის, რომლებიც ჩართული არიან კვლევაში: „საქართველოში HCV ვირემიაზე ტესტირების მიდგომების შეფასება ნარკოტიკების ინექციური გზით მომხმარებლებში“.

აღნიშნული კვლევის ფარგლებში  ახლგაზრდა ფსიქოლოგთა და ექიმთა ასოციაცია „ქსენონის“ ზიანის შემცირების სერვის ცენტრის ბაზაზე განხორციელდება  (დეცენტრალიზებული ტესტირება)   სისხლის ნიმუშის აღება და  HCV რნმ ტესტირება GeneXpert-ის პლატფორმაზე.

 

ტენდერი სატრენინგო კურსის ჩატარებაზე

სატრენინგო კურსის ჩატარებასთან დაკავშირებული მომსახურების შესყიდვის  მიზნით,  ახალგაზრდა ფსიქოლოგთა და ექიმთა ასოციაცია „ქსენონი იწვევს ყველა დაინტერესებულ იურიდიულ  ან  ფიზიკურ პირს ტენდერში მონაწილეობის მისაღებად.

სატრენინგო კურსი გათვალისწინებულია ახალგაზრდა ფსიქოლოგთა და ექიმთა ასოციაცია „ქსენონის“  სპეციალისტებისთვის,  რომლებიც მუშაობენ  წამებისა და არაჰუმანური მოპყრობის მსხვერპლებთან:

  • ომის შედეგად უგზო-უკვლოდ დაკარგულთა ოჯახები,
  • საომარი მოქმედებების დროს წამებისა და არაჰუმანური მოპყრობის მსხვერპლები,
  • ყოფილი პატიმრები,
  • საზღვრის უკანონო კვეთის ნიშნით დაპატიმრებული პირები.

სატრენინგო კურსის თემატიკა: 

  • წამებისა და სხვა სასტიკი, არაჰუმანური ან ღირსებისშემლახავი მოპყრობის  და დასჯის  დოკუმენტირება, სტამბულის პროტოკოლი; სხვა საერთოშორისო ინსტრუმენტები;
  • წამება, წამების შედეგები (პოსტტრავმატული სტრესული აშლილობა), სამედიცინო დიაგნოსტიკა, ექსპერტიზა, მკურნალობა რეაბილიტაცია;
  • ქეის მენეჯმენტი,  სამუშო ფორმების შედგენა.

შესასრულებელი სამუშაოების ჩამონათვალი:

ტრენინგების  ციკლი  მიზნობრივი  ჯგუფისთვის (სულ  6 ადამიანი)  მოიცავს სამ ეტაპს:
I ტრენინგი:  2  სატრენინგო დღე,  შეხვედრის ადგილი ქ. ზუგდიდი.
II ტრენინგი:  2 სატრენინგო დღე,  შეხვედრის ადგილი ქ. ზუგდიდი.
III ტრენინგი:  2 სატრენინგო დღე,  შეხვედრის ადგილი ქ. ზუგდიდი.

სავალდებულო მოთხოვნები:
ტენდერში მონაწილე იურიდიულმა ან ფიზიკურმა  პირებმა უნდა წარმოადგინონ ქვემოთ ჩამოთვლილი შემდეგი დოკუმენტები ქართულ ენაზე:

** ტექნიკური განაცხადი.

** ტენდერში მონაწილეობის მსურველი იურიდიული პირის  ან ფიზიკური პირების  რეკვიზიტები (მისამართი, ტელეფონი, საბანკო რეკვიზიტები);
** მომსახურების გაწევის პროცესში ჩართული ყველა პირის შესახებ ინფორმაცია და მათი კვალიფიკაციის ამსახველი დოკუმენტები  (ავტობიოგრაფია/CV) (შენიშვნა: კანდიდატების შერჩევისას უპირატესობა მიენიჭებათ სერტიფიცირებულ სპეციალისტებს);
** ინფორმაცია ანალოგიური მომსახურების გაწევის შესახებ  (იგულისხმება მსგავს  თემებზე სატრენინგო კურსის მოდულების შექმნის და ტრენინგების ჩატარების გამოცდილება, წამების მსხვერპლებთან მუშაობის გამოცდილება);
** სატრენინგო კურსის თემატიკის მიხედვით თითოეული თემის მოკლე მიმოხილვა, ტრენინგის ძირითადი აქცენტები და მეთოდოლოგია;
**  ჩასატარებელი ტრენინგების დღის წესრიგის მონახაზი და სამუშაოს შესრულების ვადები.

 

ფასის  განცხადი:

** სატრენინგო კურსის ჩატარებასთან დაკავშირებული ხარჯთაღრიცხვა ეროვნულ ვალუტაში, ყველა გადასახადის ჩათვლით;
** ტრენინგების ჩატარებასთან დაკავშირებული ხარჯთაღრიცხვა ეროვნულ ვალუტაში ყველა გადასახადის ჩათვლით  (შენიშვნა: ტრენინგები ჩატარდება ქ. ზუგდიდში ,  სატრენინგო ოთახი, საკანცელარიო მასალა და ტრენინგებში მონაწილე პირთა კვება უზრუნველყოფილი იქნება ასოციაცია „ქსენონის“ მიერ).

თანხის გადახდის პირობები:
მომსახურების საფასურის გადახდა მოხდება მომსახურების მიწოდების შემდგომ, კერძოდ, თითოეული ტრენინგის სრულად ჩატარების შემდგომ.

მომსახურების გაწევის ვადები:  01 მაისი   –  30 ივნისი, 2018 წელი.

დაინტერესებულმა ორგანიზაციებმა სატენდერო წინადადებები უნდა წარმოადგინონ ერთ ეგზემპლარად,  ქართულ ენაზე.  გთხოვთ, ბეჭდით დალუქულ კონვერტზე სათაურად მიუთითოთ “სატრენინგო კურსი  წამების და არაჰუმანური მოპყობის   მსხვევრპლებთან  მომუშავე სპეციალისტებისთვის“.
გამჭვირვალობის უზრუნველსაყოფად,  ტექნიკური და ფასის განაცხადი უნდა იქნას ცალ-ცალკე კონვერტით წარმოდგენილი (თითოეული კონვერტი უნდა იყოს დალუქული).
სატენდერო წინადადების ჩაბარების ბოლო ვადაა 2018 წლის 24 აპრილი, 16:00 საათი.
გთხოვთ წარმოადგენიოთ განაცხადი მისამართზე:  ქ. ზუგდიდი,  პეტრე უბერის ქუჩა №1.

ასოციაცია „ქსენონი“ დაუკავშირდება მხოლოდ იმ ორგანიზაციებს ან  პიზიკურ პირებს, პირომლებიც აკმაყოფილებენ სავალდებულო საკვალიფიკაციო მოთხოვნებს.

მომსახურების გაწევის ფასი არის  კონფიდენციალური.
შეკითხვების შემთხვევაში, დაგვიკავშირდით  ელ-მისამართზე: associationxenon@gmail.com