2020 წლის შეჯამება

➡ 2020 წლის განმავლობაში, ასოციაცია „ქსენონი“ მუშაობდა სხვადასხვა მოწყვლად და მაღალი რისკის ჯგუფებთან და სთავაზობდა მათ ჯანდაცვისა და ზიანის შემცირების სხვადასხვა სერვისებს; ➡COVID-19-ის ეპიდემიით გამოწვეული პრობლემების დასაძლევად ორგანიზაციამ განახორციელა ნარკოტიკების მომხმარებლებზე მორგებული საინფორმაციო/საკონსულტაციო პროექტი ქუთაისსა და ზუგდიდში, მოახდინა ონლაინ-სერვისების გაციფრულება და დანერგვა.➡ქსენონის საქმიანობების მხარდამჭერები იყვნენ:

ზიანის შემცირების საქართველოს ქსელი-Ghrn

დევნილთა, შრომის, ჯანმრთელობისა და სოციალური დაცვის სამინისტრო

National Center for Disease Control & Public Health,

Georgia (NCDC & PH)Georgia Red Cross Society / საქართველოს წითელი ჯვრის საზოგადოება

FIND

Médecins du Monde France

EWMI AccessHuman Rights House Tbilisi • თბილისის ადამიანის უფლებათა სახლი

Covid-19 და ფსიქიკური ჯანმრთელობა

მსოფლიო ჯანდაცვის ორგანიზაცია ნათლად განმარტავს, რომ ფსიქიკური ჯანმრთელობა წარმოადგენს ჯანმრთელობის განუყოფელ ნაწილს; არ არსებობს ჯანმრთელობა ფსიქიკური ჯანმრთელობის გარეშე. ის კეთილდღეობის მდგომარეობაა, რომელშიც ყველა პიროვნება აცნობიერებს საკუთარ პოტენციალს, შეძლოს და გაუმკლავდეს ცხოვრების ჩვეულ სტრესულ სიტუაციებს, იმუშაოს პროდუქტიულად და შეიტანოს თავისი წვლილი საზოგადოებაში.

ამის საპირისპიროდ, ფსიქიკური ჯანმრთელობის მდგომარეობამ შეიძლება გამოიწვიოს დისტრესი, დეპრესია, უარყოფითი გავლენა მოახდინოს ყოველდღიურ ფუნქციონირებასა და ურთიერთობებზე. მან შესაძლოა გააუარესოს ფიზიკური ჯანმრთელობა და გამოიწვიოს ნაადრევი სიკვდილი.

კოვიდ-19-ის პანდემიამ გამოცდის წინაშე დააყენა ჩვენი ფსიქიკური კეთილდღეობა; კორონავირუსის კრიზისი სერიოზულ დარტყმას აყენებს ჩვენ განწყობებს და დღეს, COVID-19-პანდემიასთან ბრძოლაში, მილიონობით ადამიანი მთელს მსოფლიოში, ფსიქოლოგიური დისტრესის დემონსტრირებას ახდენს. მთლიანობაში, პანდემიის შედეგებზე საუბრის დროს იგულისხმება შფოთვის ხშირი შეტევები ან დეპრესია, რომელიც თავს იჩენს ისეთი მიზეზების შედეგად, როგორებიცაა: სოციალური დისტანციების გამოწვეული სტრესი, დაინფიცირების შიში, ეკონომიკური მდგომარება და ახლობელი ადამიანების დაკარგვის შიში.

რსებობს მხოლოდ ერთი გზა ფსიქიკური კეთილდღეობის შესანარჩუნებლად: ვიზრუნოთ ჩვენ ფსიქიკურ ჰიგიენაზე; თუკი ფიქრობთ, რომ თქვენზე ზეგავლენას ახდენს დეპრესია ან შფოთვა – გახსოვდეთ, ამ მდგომარეობათა მკურნალობა შესაძლებელია; რაც უფრო ადრეულად მიმართავთ დახმარებას-შედეგი უკეთესი გექნებათ.
ასევე წაიკითხეთ: http://xenon.ge/2020/12/17/3028/
💻

https://www.facebook.com/europeanunioningeorgia

COVID-19 და ფსიქიკური ჯანმრთელობა

კორონავირუსის პანდემია შესაძლოა სტრესული იყოს ადამიანებისთვის. ახალი დაავადებით გამოწვეულ შიშსა და შფოთვას, მოზრდილებსა და ბავშვებში ძლიერი ემოციების გამოწვევა შეუძლია.  ფიზიკურმა და სოციალურმა დისტანცირებამ შესაძლოა, ადამიანებს თავი იზოლირებულად და მარტოსულად აგრძნობინოს და შესაბამისად, გაიზარდოს სტრესიც.

სტრესთან გამკლავების ჯანსაღი სტრატეგიები გაგაძლიერებთ თქვენ და იმ ადამიანებს, რომლებზეც ღელავთ.

დაავადების აფეთქებით გამოწვეულმა სტრესმა შესაძლოა თავი იჩინოს შემდეგი ფორმებით:

  • შიში და ღელვა საკუთარ თავზე, საყვარელ ადამიანებზე, ფინანსურ სიატუაციასა და იმ სერვისების ნაკლებობაზე, რომლებსაც შეგიძლიათ დაეყრდნოთ.
  • ძილისა და კვების რეჟიმის ცვლილება.
  • ძილისა და კონცენტრაციის გაძნელება.
  • ჯანმრთელობის ქრონიკული პრობლემების გართულება.
  • ფსიქიკური ჯანმრთელობის მდგომარეობის გაუარესება.
  • თამბაქოს და/ ან ალკოჰოლისა და სხვა ნივთიერებების გადამეტებული გამოყენება/მოხმარება.

ფსიქიკური ჯანმრთელობა ჩვენი კეთილდღეობის მნიშვნელოვნად განმაპირობებელი ფაქტორია. იგი გავლენას ახდენს ჩვენს ფიქრებზე, განცდებსა და მოქმედებებზე. მას ასევე აქვს გავლენა იმაზე, თუ როგორ ვუმკლავდებით სტრესს, როგორ ვურთიერთობთ ადამიანებთან და როგორ ვიქცევით საგანგებო სიტუაციებში.

როგორ გავუმკლავდეთ სტრესს?

მოიპოვეთ სწორი ინფორმაცია:

  • არასანდო ინფორმაციებისგან თავის არიდება შესაძლებლობას მოგცემთ COVID-19-თან დაკავშირებული რისკების უკეთ გაცნობიერებაში. იგი დაგეხმარებათ სწორად დასახოთ სამოქმედო გეგმა და გათვალოთ შესაძლო შედეგები.
  • დაინფიცირების შემთხვევაში, ინფექციას შეხვდით მომზადებულად. იყავით ინფორმირებული დაავადების გამკლავების გზებთან დაკავშირებით. დაუკავშირდით სამედიცინო წარმომადგენლებს და ნუ მიმართავთ თვითმკურნალობას.
  • იცოდეთ, საჭიროების შემთხვევაში, სად და როგორ შეძლებთ დახმარების მიღებას. (პირისპირ თუ დისტანციურად).

იზრუნეთ ფსიქიკურ ჯანმრთელობაზე; ეს დაგეხმარებათ რაციონალურ აზროვნებაში, სწორი გადაწყვეტილებების მიღებაში, საკუთარ თავსა და ახლობლებზე ზრუნვის პროცესში.

შეისვენეთ; დროებით შეწყვიტეთ პანდემიასთან დაკავშირებული ინფორმაციის ყურება, მოსმენა და კითხვა. ნეტაგიური ინფორმაციის მუდმივ რეჟიმში მიღებამ შეძლოა გაზარდოს შფოთვა.

იზრუნეთ საკუთარ სხეულზე;

  • გააკეთეთ სუნთქვითი ვარჯიშები, დაკავდით მედიტაციით.
  • შეეცადეთ ჯანსაღად და დაბალანსებულად იკვებოთ.
  • ივარჯიშეთ რეგულარულად.
  • საკმარისი დრო დაუთმეთ ძილს.
  • მოერიდეთ ალკოჰოლისა და სხვა სუბსტანციების დიდი რაოდენობით მიღებას.

გამოყავით დრო განტვირთვისთვის;  დღის განმავლობაში დაკავდით იმ საქმით, რომელიც სიამოვნებას განიჭებთ.

დაუკავშირდით სხვებს;  ესაურეთ იმ ადამიანებს, რომლებსაც ენდობით; გაუზიარეთ მათ თქვენი შეგრძნებები, წუხილი და ემოციები.

დაუკავშირდით თქვენს თემს ან შესაბამის ორგანიზაციებს დახმარების მისაღებად. გაითვალისწინეთ, რომ სოციალური დისტანციის პირობებში რეკომენდირებულია ონლაინ, სატელეფონო ან/და წერილობითი კომუნიკაცია.

მიყევით პროფესიონალების რეკომენდაციების და იზრუნეთ საკუთარ თავსა და გარშემომყოფთა ჯანმრთელობაზე.

 

#EU4Georgia #TeamEurope #together

 

კოვიდ-19 პანდემიის ფონზე, ოჯახში ძალადობის შემთხვევები გაიზარდა.

კოვიდ-19 პანდემიის გამო შეცვლილი ცხოვრების წესისა და გარემოებების ფონზე, ოჯახში ძალადობის შემთხვევები გლობალურად გაიზარდა.
საქართველოში, ოჯახში ძალადობის ყოველი ექვსი შემთხვევიდან ხუთ შემთხვევაში, მსხვერპლი ქალია (2020 წლის პირველი ნახევრის მონაცემებით).
პანდემიისა და იზოლაციის პირობებში, სამართალდამცავებისთვის ხმის მიწვდენა შესაძლოა, კიდევ უფრო დიდი გამოწვევა იყოს ქალებისათვის.

 როგორ მოვუაროთ თავს სახლის პირობებში, თუ COVID-19-ით დავინფიცირდით.

როგორ მოვუაროთ თავს სახლის პირობებში, თუ COVID-19-ით დავინფიცირდით.

ჩვენთვის თქვენი ჯანმრთელობა მნიშვნელოვანია!

📍 მისამართი: ქ. ზუგდიდი, პეტრე უბერის ქ. №1
📞 0415 254010

#EU4Georgia #TeamEurope #COVID19 #together

გაციფრულების პროექტი

➡ 2020 წლის ოქტომბრიდან ასოციაცია “ქსენონმა” გაციფრულების პროექტი დაიწყო.

➡ “გაციფრულების” პროექტის მიზანია COVID-19 პანდემიის და სხვა შემზღუდველი გარემოებების პირობებში, ასოციაცია “ქსენონის” მიზნობრივი ჯგუფებისთვის ზიანის შემცირებისა და სამედიცინო/ფსიქოლოგიურ სერვისებზე ხელმისაწვდომობის გაუმჯობესება.

➡ პროექტი ითვალისწინებს სერვისების მიწოდების დამატებითი და მოდიფიცირებული ინსტრუმენტების შემუშავებას ბენეფიციარებისთვის, ონლაინ და დისტანციურად, უშუალო დახმარების აღმოჩენის მიზნით.

➡ მოცემული ინიციატივა მხარდაჭერილია “COVID-19: სამოქალაქო საზოგადოების მოქნილობა და მდგრადობა“ რეგიონული პროექტის ფარგლებში, რომელსაც IREX ევროპა და

Human Rights House Tbilisi • თბილისის ადამიანის უფლებათა სახლი

ახორციელებს ევროკავშირის ფინანსური მხარდაჭერით.

❤ ჩვენთვის თქვენი ჯანმრთელობა მნიშვნელოვანია!

📍 მისამართი: ქ. ზუგდიდი, პეტრე უბერის ქ. №1
📞 0415 254010
🌏 www.xenon.ge
💻

https://www.facebook.com/europeanunioningeorgia

#EU4Georgia #TeamEurope #COVID19 #together #GHRN

ასოციაცია “ქსენონის” ზიანის შემცირების ცენტრის სერვისები

ასოციაცია “ქსენონის” ზიანის შემცირების ცენტრის სერვისები ნარკოტიკების ინექციური მომხმარებლებისა და მათი სქესობრივი პარტნიორებისთვის:
✅ ნებაყოფლობითი კონსულტირება და ტესტირება აივ ინფექცია/შიდსზე, B, C ჰეპატიტებსა და სიფილისზე;
✅ ტუბერკულოზის სკრინინგი;
✅ ერთჯერადი პრევენციული და თავდაცვის საშუალებებით უზრუნველყოფა (შპრიცები, ნემსები, სპირტიანი ტამპონები, კონდომები და ა.შ.);
✅ ნალოქსონის პროგრამა;
✅ სამედიცინო კონსულტირება (თერაპავტი, ქირურგი, ფსიქიტრი, ნარკოლოგი, ინფექციონისტი, გინეკოლოგი);
✅ ფსიქოლოგიური კონსულტირება;
✅ ჰიგიენური საშუალებების ნაკრები ქალებისათვის;
✅ ქეის მენეჯმენტი;
✅ საინფორმაციო შეხვედრები ჯანდაცვისა და ზიანის შემცირების საკითხებზე;
✅ ღვიძლის ელასტოგრაფია;
✅ C ჰეპატიტის დიაგნოსტიკა/მკურნალობა.
სერვისებით სარგებლობა შეგიძლიათ როგორც ორგანიზაციის ოფისში, ასევე ადგილზე თქვენი მოთხოვნის საფუძველზე.
ჩვენთვის თქვენი ჯანმრთელობა მნიშვნელოვანია!
📍 მისამართი: ქ. ზუგდიდი, პეტრე უბერის ქ. №1
📞 0415 254010

COVID -19 და ზიანის შემცირების რეკომენდაციები ადამიანებისთვის, რომლებიც მოიხმარენ ნარკოტიკს

COVID-19 არის ახალი კორონავირუსით გამოწვეული დაავადება, რომელსაც შეუძლია გამოიწვიოს მძიმე რესპირატორული ინფექცია და ჯანმრთელობის პრობლემები.

ნარკოტიკების მომხმარებლებს აქვთ ვირუსით ინფიცირების ისეთივე რისკი, როგორც მთლიან პოპულაციას, თუმცა მათ რისკებს ზრდის ის გარემოება, რომ ნარკოტიკების მიღება ხშირად ისეთ სივრცეში ხდება, სადაც ადამიანები ჯგუფურად იკრიბებიან და აზიარებენ სხვადასხვა ინსტრუმენტს.

ზიანის შემცირების მიზნით, ნარკომომხმარებლებისათვის აუცილებელია იმ პრევენციული აქტივობების განხორციელება, რომლებიც შემდგომ ინფოგრაფიკშია მოცემული.

აღნიშნულ რეკომენდაციები ემსახურება შექმნილ სიტუაციაში თქვენი უსაფრთხოების უზრუნველყოფას. თქვენი სიტუაციის გათვალისწინებით, შესაძლოა რეკომენდაციების გარკვეული ნაწილის შესრულება რთულად ან წარმოუდგენლად მოგეჩვენოთ.

მიმართეთ თქვენს ქალაქებში მოქმედ ზიანის შემცირების სერვის ცენტრებს და სამედიცინო თუ სოციალური მომსახურებების სხვა მიმწოდებლებს, რათა შეადგინოთ მოქმედების გეგმა თქვენი უსაფრთხოებისთვის.

#TeamEurope #COVID19 #together #EU4Georgia

C ჰეპატიტის ელიმინაციის სახელმწიფო პროგრამა

ასოციაცია “ქსენონი”, C ჰეპატიტის ელიმინაციის სახელმწიფო პროგრამაში 2018 წელს ჩაერთო, რამაც ჩვენს ბენეფიციარებს შესაძლებლობა მისცა, ერთი ფანჯრის პრინციპით, მიიღონ როგორც ზიანის შემცირების სერვისები, ასევე ჩაიტარონ C ჰეპატიტის დიაგნოსტიკა/მკურნალობა.

პროგრამაში ჩართვიდან დღემდე ასოციაცია “ქსენონის” ცენტრში 500-მდე მოქალაქემ ჩაიტარა C ჰეპატიტის საწინააღმდეგო ანტივირუსული მკურნალობა, რომელთა უმრავლესობა სრულად განიკურნა C ჰეპატიტის ვირუსისგან.
მისამართი: ზუგდიდი, პეტრე უბერის ქ. #1
📞0415 254010
ასოციაცია “ქსენონი” ზრუნავს თქვენს ჯანმრთელობასა და უსაფრთხოებაზე!